«Я губляю працу, а ты, ###, бабкі зарабляеш». Гнеўны спіч Біёнчыка ў адрас суддзі пасля паразы «Славіі» ад «Слуцка» трапіў на камеру
І што гэта ён мае на ўвазе?
На мінулых выходных прайшлі матчы 24-га тура вышэйшай лігі. Адным з нечаканых вынікаў стала параза «Славіі» ў Слуцку.
У бягучым сезоне мазыране набралі добры ход і займаюць 4-ы радок у табліцы, да гульні супраць случчан каманда Івана Біёнчыка падыходзіла са статыстыкай у апошніх пяці матчах 3 перамогі, 1 нічыя і 1 параза з розніцай мячоў 10:5. «Слуцк» жа за тыя ж пяць матчаў ані разу не перамог – 4 нічыі і 1 параза з розніцай 5:6.
Але ў футбол не лічбамі гуляюць: «Слуцк» мінімальна перамог 1:0, што вельмі моцна раззлавала Івана Біёнчыка. Пасля матчу ён выліўся гнеўнай тырадай у адрас галоўнага суддзі матчу Ігара Шумілава, які сам нядаўна быў футбалістам (скончыў кар'еру ў 2020-м) – момант зафіксаваў тэлеканал «Беларусь 5».
– За такое, ###, лінчуюць, ###, проста, і ўсё. Я працу губляю, ###, а ты ідзеш на сваю, яшчэ і бабкі зарабляеш. Што мы будзем у роўных умовах, разумееш? – крычаў Біёнчык.
Як думаеце, што значаць заявы галоўнага трэнера мозырскай «Славіі»? Адзначым, што ў аглядзе гульні ад АБФФ адсутнічаюць спрэчныя моманты, якія маглі б патлумачыць гнеў Біёнчыка: