Экс-варатар маскоўскага «Дынама» Увараў: «Нядаўна даведаўся, што наша паражэнне ў 1982 годзе ад мінскага «Дынама» 0:7 – гэта быў дагаварняк. Сказалі футбольныя людзі, у тым ліку ўдзельнікі»

Былы брамнік маскоўскага «Дынама» Аляксандр Увараў распавёў, што матч чэмпіянату СССР паміж мінскім «Дынама» і іх аднаклубнікамі з Масквы (7:0) у 1982 годзе быў дагаварным.

«Я магу з чыстым сумленнем сказаць: у дагаварняках ні разу не ўдзельнічаў. Ні разу. Толькі нядаўна даведаўся, праз 30 гадоў, што наша паражэнне ад мінскага «Дынама» 0:7 – гэта быў дагаварняк. Сказалі футбольныя людзі, у тым ліку ўдзельнікі. А тады глядзеў на табло і думаў: хутчэй бы час матчу скончыўся. Яны нас кружылі як хацелі. 7:0! Зусім нічога не западозрыў! Відаць, наіўны. Да мяне пасля гульні Леў Іванавіч Яшын падышоў, царства яму нябеснае: «Калега, трымайся, бывае і такое», – сказаў Увараў.