Уладзіслаў Марозаў: «Алос з кожным гульцом зборнай Беларусі працуе індывідуальна»
Нападаючы мінскага «Дынама» Уладзіслаў Марозаў падзяліўся меркаваннем аб іспанскім галоўным трэнеры зборнай Беларусі Карласе Алосе.
– Перш за ўсё, гэта дынаміка, якая з'явілася ў трэніровачным працэсе. Заняткі сталі больш інтэнсіўнымі. З пункту гледжання тактыкі сталі ставіцца некалькі іншыя задачы. Ён з кожным гульцом з каманды працаваў індывідуальна, каб растлумачыць нейкія важныя моманты. Мяркую, менавіта гэта прынесла карысць і вынік.
– Як табе сумесная праца з замежнікам? Не перашкаджаў моўны бар'ер?
– Не, моўны бар'ер не перашкаджаў. Выдатную працу рабіў перакладчык, Фархад, таму з камунікацыяй цяжкасцяў не ўзнікала. Калі трэба было нешта аператыўна падказаць, Алос выкарыстоўваў англійскую. Калі я хацеў задаць пытанне, то пытаўся на англійскай. Гэтак жа Карлас ведае нямала рускіх слоў, з дапамогай якіх можа тлумачыцца, – сказаў Марозаў.
