Андрэ Анана: «Можна казаць аб траўмах, гульцах, нефарце, але мы – «МЮ», не можам апраўдвацца гэтым»

«Увесь сезон быў цяжкі для ўсіх нас, як асобна кожнага, так і для каманды ў цэлым. Але мы заўсёды павінны захоўваць пазітыўны настрой, бо не думаю, што мы страцілі месца ў еўракубках у матчы супраць «Бэрнлі». Мы ўсе павінны ўзяць на сябе адказнасць – заўсёды пачынаю з сябе.

Быў цяжкі сезон. Калі выкласці ўсё на карту, можна казаць аб шматлікіх рэчах, напрыклад, аб траўмах, гульцах, аб нефарце. Але мы – «Манчэстэр Юнайтэд», мы такі вялікі клуб, таму не можам апраўдвацца гэтым.

Мы павінны заставацца станоўчымі. Матч з «Бэрнлі» ужо ў мінулым. Трэба быць станоўчым. Калі гэты сезон не самы лепшы, упэўнены, наступны будзе лепш», – сказаў Анана.

«МЮ» знаходзіцца на 8-й пазіцыі ў АПЛ. Наступны матч – сёння, 6 траўня супраць «Крыстал Пэлас» на выездзе, каляндар тут.