Прэзідэнт ЕАК Капралас пра міжнародны бан: «Будзем працягваць выконваць рэкамендацыі МАК»
Прэзідэнт Еўрапейскіх алімпійскіх камітэтаў (ЕАК) Спірас Капралас выказаўся пра доступ беларускіх і расійскіх спартсменаў да міжнародных стартаў.
«Мы вельмі ўважліва сочым за тым, што робіць МАК, і будзем працягваць прытрымлівацца яго рэкамендацый.
Вядома, на дадзены момант няма адзінага падыходу са боку міжнародных федэрацый, і МАК яшчэ не прыняў рашэнні аб тым, дапушчаць ці спартсменаў з Расіі і Беларусі да ўдзелу ў Алімпійскіх гульнях у Парыжы.
Можа быць, гэта будзе вырашана ў Мумбаі на сесіі МАК на наступным тыдні, а можа быць, і пазней, таму што падзеі развіваюцца ўвесь час.
Што тычыцца нас, то мы будзем працягваць выконваць рэкамендацыі МАК», – сказаў Капралас.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.
28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.