Украінская тэнісістка Касцюк: «З паўсотні расіян і беларусаў не больш за пяць далі зразумець, што яны супраць Пуціна»

– Намі кіруе WTA, можна сказаць, мы працуем на яе. Пасля таго як пачалося ўварванне, мы папрасілі на турніры ў Індыян-Уэлс – мы нават умольвалі – пасадзіць нас у адзін пакой: украінцаў, расіян і беларусаў. Каб разабрацца, што яны думаюць, як яны глядзяць на нас.

Але ў WTA спалохаліся. Я не ведаю чаму. Можа, яны думалі, што мы будзем біцца? Я прапанавала ім прыцягнуць да гэтага службу бяспекі, але яны не сталі. Яны нам проста адмовілі.

– У выніку яны не распачалі ніякіх дзеянняў?

– У кастрычніку ў Гвадалахары да мяне падышоў хлопец і прапанаваў зрабіць нешта накшталт відэазванка для WTA пасля заканчэння сезона. Але гэта было занадта позна. Гэта трэба было зрабіць значна раней.

– Як паводзяць сябе расійскія і беларускія тэнісісткі ў раздзявальнях і гасцініцах?

– Некаторыя дзівяцца, чаму мы ім не ўсміхаемся: «Мы ж не зрабілі нічога дрэннага. Мы не жадаем вайны». Як быццам мы яе жадаем. Яны не гавораць нічога дрэннага, але нічога добрага таксама не гавораць.

– Колькі расіян і беларусаў у прыватным парадку далі вам зразумець, што яны супраць агрэсіі Пуціна?

– З прыкладна 50 … Адзін, два, тры, чатыры, пяць – не больш. Яны прызналі, што іх краіна робіць нешта сапраўды гнюснае і жадаюць, каб вайна скончылася перамогай Украіны.

Астатнія, можа быць, жадаюць міру, але толькі калі Расія пераможа. Яе грамадзяне з радасцю ахвяруюць мільёнамі жыццяў, каб пазбегнуць паражэння. Яны катэгарычна абвяргаюць яе, але я ўпэўнена, што яны прайграюць, – сказала Касцюк.