Світоліна пра Сабаленку, якая пасля іх матчу сказала, што не падтрымлівае вайну: «Прайшло ўжо 1,5 года, гэта было не адразу пасля ўварвання»

Украінская тэнісістка Эліна Світоліна распавяла, ці значаць для яе нешта словы Арыны Сабаленкі, якая пасля іх матчу заявіла, што не падтрымлівае вайну і Аляксандра Лукашэнку.

«Калі яна сказала гэтыя словы падчас прэс-канферэнцыі, то прайшло ўжо 1,5 года, гэта было не адразу пасля ўварвання.

Менавіта тады быў той момант, калі мы чакалі такіх заяў. І толькі калі яна перамагла мяне, яна пра гэта ўспомніла. І ў нас ужо ўзнікалі розныя сітуацыі да гэтага.

Разумееце, поўнамаштабная вайна доўжыцца 1,5 года, мы чакалі такіх заяў крыху раней. І ўсё гэта ў купэ з рознымі каментарамі, якія гучалі ў наш адрас, і з хейтам, і з любоўю.

Для нас гэта складана. Мы тыя, хто мы ёсць, і наша краіна ў стане вайны, яна моцна пакутуе. І адбываецца многае, што з'яўляецца не важным для нас. Мы занятыя тым, што робім усё магчымае для нашых людзей, мы імкнемся быць абʼяднанымі і рабіць усё, што ў нашых сілах», – сказала Світоліна.