Манчэстар Юнайтэд - Манчэстар Сіці, якая вартасць чарговага дэрбі?

Пасля паразы Сульшара ад Клоппа, нарвежац знаходзіцца пад каласальным ціскам, нават перамога над Тотэнгэмам не аслабіла напругі на "Олд Траффард", а нічыя з Аталантай пакінула процьму пытанняў. Відавочна, што ў "чырвоных д'яблаў" вялікія праблемы з гульнёй, няма стабільнасці, шмат перамог здабываецца на індывідуальных якасцях гульцоў, а "Раналду тайм" ратуе становішча МЮ ў Лізе Чэмпіёнаў.

Гвардыёла прайграў у мінулым туры і ўжо на пяць пунктаў адстае ад першага месца, сюды рэхам далятае вылят з Кубкам Лігі. Агулам, для МС гэта складаны перыяд, ёсць пэўныя праблемы ў атацы, калі параўноўваць з мінулымі сезонамі.

У трох сустрэчах у мінулым сезоне абодва бакі выйгралі па адной гульні - у гасцях - з яшчэ адной нічыёй. «Юнайтэд» трыумфаваў у чатырох з сямі апошніх ва ўсіх спаборніцтвах, у той час як Пеп Гвардыёла мае пяць перамог у сваіх васьмі дэрбі на «Олд Трафард» у якасці боса «Сіці».

Такім чынам, параза можа мець фатальны вынік як і для Сульшара, так і для Гвардыёлы. І калі ў гішпанца могуць узнікнуць праблемы ў барацьбе за чэмпіёнства, то Сульшар можа лішыцца сваёй пасады. Нас чакае вельмі напружанная сустрэча, дзе вага памылкі будзе надзвычай вялікай, гэта сустрэча крыху болей за дэрбі.