Кіраўнік беларускага пяцібор'я Пракапенка: «АГ губляюць сваю прывабнасць з-за палітызацыі, сёння ў нас задача іншага характару»

Старшыня Беларускай федэрацыі пяцібор'я Міхаіл Пракапенка падзяліўся пазіцыяй па ўдзеле беларускіх атлетаў у Алімпіядзе.

– Гармонія ў мяне будзе тады, калі з нас здымуць незаконна ўведзенае абмежаванне па забароне выкарыстання дзяржаўнай сімволікі. Я лічу, што гэта непаўнавартасныя спаборніцтвы, і, яшчэ раз падкрэслю, да нашых спартсменаў ужываюцца незаконныя абмежаванні.

– Ці рэальна, улічваючы вынікі Марыі Гнедчык і Анастасіі Пракапенкі, на Алімпіяду адабрацца ім? Ці гэта вельмі складана?

– На мой погляд, сёння Алімпійскія гульні губляюць сваю прывабнасць за кошт палітызацыі. Таму ў нас задача крыху іншага характару. Мы хочам арганізоўваць і праводзіць мультыспартыўныя мерапрыемствы, у якія, у тым ліку, будуць уключаны такія віды спорту, як сучаснае пяцібор'е. Для нас галоўнымі стартамі будуць менавіта гэтыя.

Але мы гатовы выступіць і на Алімпійскіх гульнях. Будзем змагацца, даказваць, і ў нас ёсць, каму паказваць вынік, – распавёў Пракапенка.