Дзеючы чэмпіён прайграе ў Беларусі, а «Дынама-Шыннік» перамагае ва ўсіх трох матчах пасля пераезду ў Бабруйск. Як святкуюць у клубе?
Перамога!
Учора «Дынама-Шыннік» нечакана абыграў «СКА-1946». На рахунку Глінскага і Грышкова па два дзейсныя балы. Гэта перамога стала ўжо трэйцяй запар пасля пераезду клуба на родную арэну ў Бабруйск.
Лепшыя моманты гэтага матча:
Віншуем Кірыла Грышкова з першай шайбай у МХЛ:
Словы ад лепшага гульца матча ў распранальні:
- Вельмі крутая гульня. А якія яшчэ могуць быць уражанні, калі мы абыгрывае дзеючага чэмпіёна МХЛ.
– Сапернік нанёс 37 кідкоў у створ тваіх варот. Як тваё фізічны стан цяпер?
- Супернік з самага пачатку навязваў хуткі хакей. Момантаў хоць было і не зусім шмат, але яны былі небяспечныя. Мы справіліся з гэтым ціскам, і дзякуй за гэта партнёрам, якія часцяком не давалі шайбе дайсці да брамы.
– Ты сёння быў прызнаны лепшым у распранальні. Што сказаў партнёрам?
- Сказаў, што нам усё па сілах, бо мы абыгралі дзеючага чэмпіёна МХЛ. Мы можам усё, калі паверыць у сябе.
– Столькі адбітых кідкоў. Будзеш ты ўспамінаць гэты матч?
- Так, магчыма, Я перагледжу хайлайты, таму што ёсць моманты, у якіх можна было згуляць лепш. Ёсць, што паглядзець і разабраць. Галоўны трэнер правільна сказаў, што можна радавацца толькі да 12, а потым ужо рыхтавацца да іншай гульні.
- Вы ў Бабруйску пакуль гуляеце без паражэнняў. У чым сакрэт поспеху?
– Родныя трыбуны, заўзятары, каласальная падтрымка. І гэта ўсё дае штуршок. Дзякуй заўзятарам.
- Сёння на трыбунах было больш за тысячу заўзятараў. Як гэта дапамагае?
- Калі ты глядзіш на трыбуны, а там сотні чалавек скандуюць назву тваёй каманды, ты стараешся гуляць лепш. Гэта сапраўды штурхае. Ты дзеля іх хочаш правесці выдатную гульню. У цябе падымаецца матывацыя, каб зрабіць беларускую публіку больш шчаслівай.
- А пры канцэнтрацыі гэта перашкаджае?
- Ад гэтага канцэнтрацыя толькі павышаецца. Пры пустых трыбунах усё ідзе манатонна, а тут, калі шайба ў тваёй зоне і ўсе крычаць назву тваёй каманды, то канцэнтрацыя павышаецца.
- Аляксей Коласаў распавядаў пасля першага матчу ў Экстралізе, што глядзеў на трыбуны, калі шайба была ў чужой зоне. Ці ёсць у цябе такое?
– Я б так не сказаў, але гэта сапраўды мой першы хакей з запоўненымі трыбунамі. Таму я адчуваў прыемную атмасферу нават у першых двух матчах, хоць і сядзеў на лаўцы
Галоўны трэнер Андрэй Міхалёў пракаментаваў гістарычную перамогу:
- Кожная перамога важная, але калі ты перамагаеш такога суперніка, чэмпіёна, то здабываеш крылы. Гэта заслуга ўсёй каманды. Сёння ўсе хлопцы годна выступілі, пласталіся, выконвалі трэнерскую ўстаноўку – проста малайцы!
- Тры матчы правялі на Бабруйск-Арэне, усе супраць Залатога дывізіёна. У чым сакрэт перамог?
- Заўзятары! Хлопцы выходзяць на лёд зараджаныя, атмасфера вар'ятка, усе падбадзёрваюць іх, таму і перамагаем. Думаю, гэта вялікая заслуга балельшчыкаў.
- Праз дзень яшчэ адзін матч. Як хлопцы выйдуць у сераду пасля такіх эмоцый?
- Хацелі з раніцы ў сераду зрабіць трэніроўку, але вырашылі, што хай адпачнуць, паспяць. Паўгадзіны пакатаемся, гэтага будзе дастаткова. Так, эмоцыі нейкія сышлі і трэба іх кампенсаваць. Не ведаю, можа ў кіно заўтра пойдзем, але пакуль пра гэта не думаем.
Аказалася, што Ягор Борыкаў і Цімафея Каўгарэня пайшлі ў заклад, што калі наша каманда зноў пераможа расійскага суперніка, то хлопцы зменяць свой імідж: