Падольскі ўсё яшчэ гуляе – вярнуўся ў Польшчу і гарматнымі стрэламі намагаецца захаваць свой клуб у элiце
Лукасу ўжо 37 гадоў.
Яшчэ не забылі Лукаса Падольскі? Так, найлепшага маладога футбаліста ЧС-2006, якога ўжо ў 27 гадоў лічылі легендай «Кёльна», які пагуляў за «Баварыю» і «Арсенал», а ў 2014-м выйграў ЧС са зборнай Германіі.
Зараз Польдзі 37, але ён працягвае гуляць, пісаць прыгожыя футбольныя гісторыі і забіваць шалёныя мячы сваёй левай нагой.
У 2015-м Падольскі пакінуў «Арсенал» і з'ехаў «на заробкі» – ў Турцыю і Японію
У свой час лонданскі «Арсенал» купляў Падольскі за 15 млн еўра, а Лукас хутка ператварыўся ў любімца заўзятараў – ён не толькі правёў фантастычны першы сезон (16 галоў і 12 асістаў ва ўсіх турнірах), але і ўлюбіў у сябе фанатаў менталітэтам сапраўднага пераможца.
Але ў тым нестабільным «Арсенале» праваліцца было гэтак жа лёгка, як і заззяць. Другі сезон у сталіцы Велікабрытаніі Лукасу сапсавалі траўмы, а трэці ператварыўся ў катастрофу – Арсен Венгер пасадзіў яго ў запас, таму за гульнявой практыкай прыйшлося ехаць у арэнду ў «Інтэр».
У Мілане не ўсё ішло па плане, i пасля сезона немец пагадзіўся на трансфер у «Галатасарай», з якім яшчэ пагуляў у еўракубках (і ў ЛЧ, і ў ЛЕ), выйграў Кубак і двойчы Суперкубак Турцыі, зрабіў больш за 50 вынiковых дзеянняў у 75 матчах.
«Галатасарай» набыў гульцоў за 2,5 млн еўра летам 2015-га, а ўжо праз два гады прадаў у японскі «Вісэл Кобэ» за 2,6 млн еўра. Лукас стаў галоўнай зоркай чэмпіянату Японii і адразу атрымаў капітанскую павязку. Праз паўгода да яго прыехаў Андрэс Іньеста, а яшчэ праз год – Давід Вілья. Легендарнае трыа дапамагло японскаму клубу выйграць Кубак краіны – першы трафей на сур'ёзным узроўні.
Зімой 2020-га Лукас вярнуўся ў Турцыю, дзе паўтара года правёў у «Антальяспоры», а потым здзівіў – у 36 гадоў падпісаў пагадненне з польскім «Гурнікам». Клуб прадстаўляе Забжэ, што ў 20 км ад Краковiцэ, дзе нарадзіўся гулец.
У «Гурніку» Падольскі не дагульвае, а гуляе – набраў цудоўную форму, цягне за сабой каманду, усё яшчэ забівае шэдэўры
У вынiку Польдзі сячэцца ў баявым чэмпіянаце, нібы юнак, знаходзіцца ў выдатнай форме і ўсё яшчэ радуе заўзятараў нядрэннай выніковасцю. Чэмпіён свету згуляў ужо больш за 50 матчаў за «Гурнік», у якіх забіў 14 мячоў і аддаў 11 галявых перадач.
Каманда Лукаса б'ецца за выжыванне і знаходзіцца ў зоне вылету польскай Экстракласы, але, нягледзячы на ўвесь драматызм сітуацыі, мае добрыя шанцы падняцца ў турнірнай табліцы – у наступных трох матчах «Гурнік» будзе гуляць з прамымі канкурэнтамі. А Польдзі можа дапамагчы.
Лукас заўсёды славіўся надзвычай моцным ударам з левай нагі і забіваў шэдэўральныя галы, за якую б каманду ні гуляў – і «Гурнік» не выключэнне. Яшчэ летась забіваў такую прыгажосць у браму «Краковіі».
Увосень паклаў проста шалёны гол у браму «Пагоні» са сваёй паловы поля.
А ў апошнім матчы з «Ягелоніяй» паклаў гармату з-за межаў штрафной, якая, праўда, не дапамагла ўзяць ачкі ў выязным матчы (адзнака 0:45).
Польдзі стварыў прыгожую гісторыю, вярнуўшыся дадому, усё яшчэ гуляе на добрым узроўні і не збіраецца заканчваць. Яго кантракт з «Гурнікам» разлічаны да канца сезону, але ён, верагодна, падоўжыць яго.
Лукас заявіў, што не думае пра завяршэнне кар'еры, а цела дае сігналы, што можа гуляць. Галоўная місія чэмпіёна свету проста зараз – дапамагчы камандзе пазбегнуць вылету, і яго вопыт можа моцна паспрыяць яе выкананню.
Фота: Cyfra Sport, Stuart MacFarlane/Arsenal FC, Masashi Hara/Global Look Press
