У АПЛ – вар'яцкая барацьба за выжыванне. Аж дзевяць (!) клубаў у зоне рызыкі
Паміж 12-м і 20-м месцам усяго 4 ачкі.
АПЛ славіцца сваімі гонкамі за чэмпіёнствам. Часам яны фінішуюць датэрмінова, часам – як у мінулым сезоне – могуць працягнуцца да апошняга тура і мяняцца ў працэсе яго правядзення.
Аднак і барацьба за выжыванне можа быць цікавай. Асабліва ў гэтым сезоне – у ёй, па стане на паўзу перад вырашальнымі двума месяцамі, адразу дзевяць клубаў.
Асаблівасці барацьбы за выжыванне: максімальная шчыльнасць, апошняе месца можа змяніцца ўжо ў наступным туры
Калі ўзяць дыстанцыю двух перамог (гэта значыць 6 ачкоў) ад 18-га месца, то табліца выглядае так:
11-я «Астан Віла» ўжо можа фактычна не перажываць за прапіску ў АПЛ: у яе 38 ачкоў - на 11 больш, чым у «Пэлас». Аднак галоўнай асаблівасцю з'яўляецца тое, што хто заўгодна можа выратавацца ў барацьбе за выжыванне. «Саўтгэмптан», які ляжыць на дне ўжо добрую частку сезону, ад выратавальнага 17-га месца аддзяляе толькі два ачкі. А «Крыстал Пэлас» у выпадку сінхронных перамог усіх каманд, якія цяпер займаюць 13-18 месцы, можа ўжо ў наступным туры апынуцца ў зоне вылету.
Параўнайце гэта з табліцамі па стане на сакавіцкі перапынак мінулых пяці гадоў (за аснову бралі таксама 6-ачковы адрыў ад зоны вылету). Тады былі дзве тэндэнцыі, якіх няма ў гэтым сезоне:
1. Кожны год колькасць каманд з нявызначанай будучыняй памяншалася – «класавая няроўнасць» была занадта прыкметнай;
2. У кожны з сезонаў былі каманды з «гарантаваным» вылетам – на апошнім, а часам і перадапошнім месцах. Ім фактычна заставалася альбо тварыць цуд, альбо чакаць матэматычнага пацверджання вылету.
Хто спаборнічае за права застацца: непераможная каманда лігі канферэнцый, клубы ўкраінцаў, самы актыўны закупшчык лета
Коратка яшчэ раз знаёмімся з тымі, хто спаборнічае за выжыванне ў гэтым сезоне АПЛ.
Месца ў сезоне 21/22: 12 (48 ачкоў)
Сітуацыя: яшчэ да перапынку на ЧС клуб не разглядаўся як прэтэндэнт на барацьбу за выжыванне. Аднак каманда не выйграла ні разу ў апошніх 12 матчах АПЛ. Перад матчам з «Арсеналам» звольнілі галоўнага трэнера Патрыка Віейру, а ратаваць каманду будзе Рой Ходжсан, якому ў мінулым годзе гэта не ўдалося з «Уотфардам».
Апошняя перамога: «Борнмут» на выездзе 2:0, 31 снежня 2022
Будучыя супернікі: «Лестэр» (Д), «Лідс» (Г), «Саўтгэмптан» (Г), «Эвертан» (Д), «Вулверхэмптан» (Г), «Вест Хэм» (Д), «Тотэнхэм» (Г), «Борнмут» (Д), «Фулхэм» (Г), «Нотынгем» (Д) (тут і далей курсівам вылучаныя канкурэнты ў барацьбе за выжыванне)
Месца ў сезоне 21/22: 10 (51 ачко)
Сітуацыя: «Вулвз» Хулена Лапетэгі апошнім часам пайшлі «на папраўку» – выбраліся з зоны вылету. Але месца на наступны сезон сабе яшчэ не гарантавалі – перамогі над «Ліверпулем» і «Тотэнхэмам» перамяжоўваюцца паразамі ад канкурэнтаў - «Лідса» і «Борнмута».
Апошняя перамога: «Тотэнхэм» дома 1:0, 4 сакавіка
Будучыя супернікі: «Нотынгем» (Г), «Чэлсі»(Д), «Брэнтфард» (Д), «Лестэр» (Г), «Крыстал Пэлас» (Д), «Брайтан» (Г), «Астан Віла» (Д), «МЮ» (Г), «Эвертан»(Д), «Арсенал» (Г)
Месца ў сезоне 21/22: 17 (38 ачкоў)
Сітуацыя: пасля звальнення Джэсі Марша, якому ўдалося паставіць цікавы футбол, але не выніковы, клуб спрабаваў запрасіць «трэнера з (хоць неяк прыкметным) імем»: Гары Рэднап, Філіп Клеман, Маўрысіа Пачэціна, Марсэла Гальярда, Арнэ Слот, Карлас Корберан. Усіх іх аб'яднала тое, што яны адмовілі.
Пагадзіўся на ролю ратаўніка Хаві Грас – экс-трэнер «Уотфарда» і «Валенсіі», апошнім месцам працы якога быў катарскі «Аль-Сад».
Апошняя перамога: «Вулверхэмптан» на выездзе 4:2, 18 сакавіка
Будучыя супернікі: «Арсенал» (Г), «Нотынгем» (Д), «Крыстал Пэлас» (Д), «Ліверпуль» (Д), «Фулхэм» (Г), «Лестэр» (Д), «Борнмут» (Г), «Ман Сіці» (Г), «Ньюкасл» (Д), «Вест Хэм» (Г), «Тотэнхэм» (Д)
Месца ў сезоне 21/22: 16 (39 ачкоў)
Сітуацыя: звальненне Фрэнка Лэмпарда і прызначэнне Шона Дайча станоўча паўплывала на каманду. За значна меншы адрэзак часу экс-трэнер «Бернлі» ўжо параўняўся па колькасці перамог з папярэднікам. Зараз каманда наогул ідзе з трохматчавай серыяй без параз – самай доўгай з верасня-кастрычніка (тады было 6).
Апошняя перамога: «Брэнтфард» дома 1:0, 11 сакавіка
Будучыя супернікі: «Тотэнхэм» (Д), «МЮ» (Г), «Фулхэм» (Д), «Крыстал Пэлас» (Г), «Ньюкасл» (Д), «Лестэр» (Г), «Брайтан» (Г), «Ман Сіці» (Д), «Вулверхэмптан» (Г), «Борнмут» (Д)
Месца ў сезоне 21/22: 4 у Чэмпіёншыпе
Сітуацыя: Клуб увайшоў у гісторыю англійскага футбола дзякуючы сваёй летняй масавай закупцы – склад, з якім каманда Стыва Купера выйграла плэй-оф Чэмпіёншыпа, быў слабы для АПЛ. Уласна, тое, што гэтая зборная навікоў не безнадзейна апошняя – ужо дасягненне 43-гадовага трэнера. Хоць і мае зараз 6-матчавую серыю без перамог.
Апошняя перамога: «Лідс» дома 1:0, 5 лютага
Будучыя супернікі: «Вулверхэмптан» (Д), «Лідс» (Г), «Астан Віла» (Г), «МЮ» (Д), «Ліверпуль» (Г), «Брайтан» (Д), «Брэнтфард» (Г), «Саўтгэмптан» (Д), «Чэлсі» (Г), «Арсенал» (Д)», «Крыстал Пэлас» (Д)
Месца ў сезоне 21/22: 8 (52 ачкі)
Сітуацыя: каманда Брэндана Роджэрса максімальна дрэнна пачала сезон – па выніках першых 11 тураў размясцілася ў зоне вылету. Аднак далей «Лісы» здолелі трохі выправіць сітуацыю. Ключавое слова – трохі: каманда зноў не перамагае ўжо пяць матчаў і рызыкуе ўпасці ў Чэмпіёншып.
Сур'ёзны кантраст у параўнанні з мінулым сезонам – і кошт таго, што вы робіце стаўку выключна на захаванне сваіх лідараў, не ўзмацняючы склад, пакуль гэта робяць усе канкурэнты.
Апошняя перамога: «Тотэнхэм» дома 4:1, 11 лютага
Будучыя супернікі: «Крыстал Пэлас» (Г), «Астан Віла» (Д), «Борнмут» (Д), «Ман Сіці» (Г), «Вулверхэмптан» (Д), «Лідс» (Г), «Эвертан» (Д), «Фулхэм» (Г), «Ліверпуль» (Д), «Ньюкасл» (Г), «Вест Хэм» (Д)
Месца ў сезоне 21/22: 7 (56 ачкоў)
Сітуацыя: мінулыя два сезоны «малатабойцы» правялі магутна: двойчы запар выйшлі ў еўракубкі, летась да апошняга змагаліся з «МЮ» за месца ў топ-6. Ды і ў гэтым сезоне каманда Дэвіда Моеса ў Лізе канферэнцый выйграла абсалютна ўсе 10 з 10 матчаў з агульным лікам 25:5.
У АПЛ не дапамагло нават узмацненне: трансферы Наефа Агерда, Джанлукі Скамакі і Лукаса Пакета, якія павінны былі вывесці каманду на яшчэ больш высокі ўзровень - ужо можна казаць з упэўненасцю - праваліліся. А чуткі пра адстаўку Моеса становяцца ўсё больш гучнымі.
Апошняя перамога: «Нотынгем» дома 4:0, 25 лютага
Будучыя супернікі: «Саўтгэмптан» (Д), «Ньюкасл» (Д), «Фулхэм» (Г), «Арсенал» (Д), «Борнмут» (Г), «Ліверпуль» (Д), «Крыстал Пэлас» (Г), «МЮ» (Д), «Брэнтфард» (Г), «Лідс» (Д), «Лестэр» (Г).
Месца ў сезоне 21/22: 2 у Чэмпіёншыпе
Сітуацыя: горшая абарона АПЛ. 54 прапушчаных – з адрывам апошні паказчык лігі. Так, каманда ўзмацнілася ўкраінцам Іллёй Забарным, аднак на практыцы яго яшчэ дагэтуль не бачылі – футбаліст траўмаваўся пасля пераходу і дагэтуль не вярнуўся на поле. Гары О'ніл, зрэшты, пастараецца выратаваць каманду ад вылету – матчы з «Ліверпулем» і «Арсеналам» даказалі, што спісваць іх рана.
Апошняя перамога: «Ліверпуль» дома 1:0, 11 сакавіка
Будучыя супернікі: «Фулхэм» (Д), «Брайтан» (Д), «Лестэр» (Г), «Тотэнхэм» (Г), «Вест Хэм» (Д), «Саўтгэмптан» (Г), «Лідс» (Д), «Чэлсі» (Д), «Крыстал Пэлас» (Г), «МЮ» (Д), «Эвертан» (Г).
Месца ў сезоне 21/22: 15 (40 ачкоў)
Сітуацыя: каманда, якая ўжо некалькі гадоў пакутуе ад сваёй прысутнасці ў АПЛ, здавалася, ужо гарантавана апошняя. Асабліва ўмацавалася гэтае перакананне пры Нэйтане Джонсе – за 8 матчаў «найлепшы трэнер у Еўропе мінулага сезону» атрымаў аж адну перамогу.
Прызначэнне Рубена Селеса крыху палепшыла сітуацыю. Аднак прэтэнзія заўзятараў да каманды застаецца ранейшай: ім небеспадстаўна здаецца, што маладыя таленты «Саўтгемптана» (Рамэа Лавіа, Сяку Мара і нават Карлас Алькарас) «уключаюцца» у гульню толькі супраць топаў, каб «прадаць» сябе.
Апошняя перамога: «Лестэр» дома 1:0, 4 сакавіка
Будучыя супернікі: «Вест Хэм» (Г), «Ман Сіці» (Д), «Крыстал Пэлас» (Д), «Арсенал» (Г), «Борнмут» (Д), «Ньюкасл» (Г), «Нотынгем» (Г), «Фулхэм» (Д), «Брайтан» (Г), «Ліверпуль» (Д)
Фота: Jeremy Landey/Global Look Press, Darren Staples/Global Look Press, Jane Stokes/Global Look Press
