«Ліверпуль» здзейсніў мару Свена-Ёрана Эрыксана, у якога знайшлі рак. Ён стаў трэнерам мерсісадцаў на адзін дзень

Сёння камандай легенд «Ліверпуля» на «Энфілдзе» (ім супрацьстаялі легенды «Аякса») кіраваў Свен-Ёран Эрыксан. Нагадаем, што ў былога трэнера зборнай Англіі, «Лацыа», «Манчэстэр Сіці» і іншых клубаў знойдзены рак. Па інфармацыі лекараў, яму засталося жыць не больш за год. Некалькі месяцаў таму Юрген Клоп, даведаўшыся пра гэта, прапанаваў шведу папрацаваць трэнерам «Ліверпуля». Адзін дзень. І вось гэты доўгачаканы дзень надышоў.

Раней старык Эрыксан прызнаваўся, што марыў трэніраваць менавіта «Ліверпуля». Сёння яго запаветнае жаданне спраўдзілася. Хто ведае, можа гэтая падзея хоць крыху падоўжыць жыццё легендарнага трэнера.