20 тур. Індывідуальныя вынікі
Самыя значныя асобы, прыгожыя галы і сімвалічная зборная. Заканчваем падводзіць вынікі 20 туру Бундэслігі.
Трыа найлепшых:
1. Адрыян Рамас
На мінулым тыдні з'явілася інфармацыя аб пераходзе калумбійца гэтым летам у Барусію Дортмунд. Гэта вельмі падштурхнула Адрыяна да новых бамбардзірскіх подзвігаў. У мінулым туры ён забіў Нюрнбергу, але гэта не дапамагло Герце перамагчы. Мала аднаго - трымайце два! Герта ўпэўнена выйграла ў крызіснага Гамбургу.
2. Генрых Мхітаран
Апошні раз армянскі легіянер забіваў гол у афіцыйным матчы 22 кастрычніка ў Лондане супраць Арсенала. Пасля быў толькі дубль Дуйсбургу ў таварыскім матчы. Галы выйшлі нядрэнныя, асабліва першы. Трэба сказаць, Генрых забіў своечасова, Барусію чакае выезд у Санкт-Пецярбург без Марка Ройса, паглядзім, як армянскі паўабаронец здолее замяніць лідэра Барусіі і аднаго з лепшых гульцоў Германіі.
3. Хён Мін Сон
Карээц забівае па статыстыцы амаль што праз матч, а ў гэтую пятніцу яго гол быў патрэбен як ніколі, бо Баер гуляў з адным з канкурэнтаў. Гол выйшаў цудоўны, без аніякіх шансаў для будучага брамніка Барселоны Тэр Штэгена. Хутка Ліга Чэмпіёнаў і калі дзве асноўныя нямецкія каманды, якія лічуцца фаварытамі ў сваіх парах, губляюць праз пашкоджанні сваіх лідэраў (Рыберы і Гётцэ), то дзве астатнія нямецкія каманды пачалі паказваць упэўнены, стабільны (нават Шальке !) футбол, які, пры некаторых раскладах, дапаможа ім прайсці ў чвэрцьфіналы.
Ну а зараз:
5. Джэферсан Фарфан - Сіяд Калашынац(першы гол у аглядзе). Аўтар голу - Фарфан, але яго не было б, без шыкоўнага праходу па левым фланзе Калашынаца.
4. Роберт Левандоўскі. Яго першы гол у матчы.
3. Хён Мін Сон.Яго важны і прыгожы гол Гладбаху:
2. Генрых Мхітаран.Яго першы гол...
1....і другі. Тыповы гол Дортмунда, у якім паўдзельнічала паўкаманды.
Зборная туру (4-3-3):
Брамнік:Лена (Баер)
Абаронцы:Лам (Баварыя) - Фрыдрых (Барусія Дортмунд) - Радрыгес (Вольфсбург) - Калашынац (Шальке)
Паўабаронцы:Мхітаран (Барусія Дортмунд) - Хан (Аўгсбург) - Луіз Густава (Вольфсбург)
Нападаючыя: Сон (Баер) - Левандоўскі (Барусія Дортмунд) - Адрыян (Герта)