На каго спадзявацца пасля Гран Пры Германіі? Інтрыга ў чэмпіянаце MotoGP павольна памірае на радасць Куартарара

Фота: motogp.com

Забівае ўсю цікавасць сезона MotoGP не яго лідар Фабіа Куартарара, які перамог на Гран Пры Германіі на трасе Заксэнрынг, а яго канкурэнты. Гэта яны або не могуць за ім угнацца, або падаюць, калі ўсё ж могуць, як гэта здарылася ў мінулую нядзелю з Франчэска Баньяяй.

За апошнія чатыры месяцы ўвесь свет добра зразумеў, што ён зараз можа спадзявацца толькі на Украіну. Рускі свет вырашыў абараніць ад яе рускую мову і пачаў забіваць тых украінцаў, якія на ёй размаўляюць. Ён таксама пачаў абараняць праваслаўе, кідаючы бомбы на праваслаўныя храмы і манастыры. Заадно, вызваляючы ўкраінцаў ад нацызму, ён пачаў рабаваць іх дамы і проста забіваць і гвалціць іх, незалежна ад полу і ўзросту.

Гэтым рускі свет планаваў запужаць Украіну і прымусіць яе адмовіцца ад свабоды, але замест гэтага атрымаў кансалідацыю ўкраінскай нацыі і яе з’яднанне. Хутка стала зразумела, што яго армія проста вялікая, але дакладна не дужая і непераможная. Эфектыўная яна толькі супраць безабаронных і бяззбройных, сустрэўшы ж мужных абаронцаў і сапраўдных патрыётаў Украіны, узброеных далёка не ў адпаведнасці з сучаснымі стандартамі, эфектыўна яна можа толькі адступаць.

Каб дапамагчы ёй пакінуць захопленыя ёю тэрыторыі, свет мусіць даваць Украіне ўсю магчымую зброю. Ваенная перамога ўкраінцаў патрэбная ўсім, таму што толькі яна будзе гарантыяй спакою ў Еўропе. Яна таксама дапаможа вызваліцца беларусам, таму што ваенная параза расійскай дыктатуры пакіне безабароннай тутэйшую калгасную. Беларусы штодзённа даказваюць, што яны вартыя свабоды, дапамагаючы ўкраінцам. Слава Україні! Героям Слава! Верым! Можам! Пераможам! Жыве Беларусь!

Калі з абаронцам свету ўсё зразумела, то хто можа ўратаваць чэмпіянат MotoGP, застаецца толькі гадаць. Я, на самой справе, не меў асаблівых ілюзій ужо пасля кваліфікацыі, у якой завадскі гоншчык Ducati Франчэска Баньяя стаў наймацнейшым, але не надта мацнейшым за канкурэнта з Monster Energy Yamaha MotoGP Фабіа Куартарара, які паказаў другі вынік.

І калі Эль Д’ябла ўжо на самым старце ў першым павароце выйшаў у лідары, я ніколькі не здзівіўся, бо прыкладна такога і чакаў. Чакаць можна было і падзення Баньяі, і Пэка не прымусіў чакаць – у тым жа першым павароце зышоў у лоўсайд ужо на другім кругу. І хоць падзенне сур’ёзным не выглядала, працягнуць гонку італьянец не змог. Без яго Куартарара проста спакойна дакаціў да фінішу і атрымаў упэўненую перамогу. Нават няма чаго да гэтага дадаць.

Не сказаць, што напружанай была барацьба за другое месца. На першых кругах за яе яшчэ паспрачаліся Жоан Зарко з Prima Pramac Racing і Алеш Эспаргара з Aprilia Racing, але на тым жа другім кругу француз канчаткова замацаваўся на другой пазіцыі і не саступіў яе да самага фінішу. Упершыню з 2013 года на Заксэнрынгу перамог не Марк Маркес, які цяпер аднаўляе сваю формул пасля аперацыі на траўміраванай руцэ.

Іспанец жа патрапіў пад уціск спачатку з боку свайго напарніка (і былога напарніка Куартарара) Маверыка Віньялеса, а потым, калі на RS-GP Топ Гана выйшла з ладу сістэма рэгуліроўкі вышыні задняй падвескі і ён сышоў з дыстанцыі, на Алеша пачаў насядаць напарнік Баньяі Джэк Мілер, які ў наступным годзе стане завадскім гоншчыкам KTM. Аўстралійца Алеш стрымліваў даўжэй, хоць той некалькі разоў яго атакаваў, але на дваццаць восьмым кругу Эспаргара сам памыліўся ў першым павароце і аддаў ніжнюю ступень подыуму Мілеру.

Сітуацыя ў чэмпіянаце MotoGP пасля Гран Пры Германіі не надта змянілася, хіба што Зарко, у якога 111 ачкоў, падняўся на трэцюю пазіцыю. Алешу Эспаргара, які мае 138 балаў, ізноў удалася ўтрымаць другую. Ну а на першай яшчэ больш замацаваўся Куартарара – у яго 172 ачкі. Monster Energy Yamaha MotoGP нарэшце захапіла лідарства ў камандным заліку і мае 197 ачкоў. У Aprilia Racing іх 184, яна апусцілася на другі радок, а Prima Pramac Racing са 172 баламі паднялася на трэці.

Магчымая перамога Фабіа Куартарара на Гран Пры Нідэрландаў, які ў бліжэйшыя выхадныя пройдзе будзе для яго псіхалагічна важнай. Таму што пасля гонкі ў Асэне чэмпіянат сыдзе на летнюю паўзу да першага жнівеньскага ўік-энда, падчас якой мы падвядзём прамежкавыя вынікі, якія б яны ні былі.

Этот пост опубликован в блоге на Tribuna.com. Присоединяйтесь к крупнейшему сообществу спортивных болельщиков!
Другие посты блога
Гоначная псіхапатыя НЕ ВАЙНЕ!
+19
Написать комментарий