Новы талент Сабаленкі: чаканіць мяч не горш за бразільцаў (так думаюць падпісчыкі)
Алосу прыглядзецца?
12 кастрычніка ў сваім Instagram першая ракетка свету Арына Сабаленка паказала падпісчыкам яшчэ адзін свой талент: аказваецца, спартсменка з Беларусі, якая па-за палітыкай, але падпісваецца за гвалт і Лукашэнку і досыць спакойна ўспрымае вайну ва Украіне, дае рады не толькі тэніснаму мячу. Пад папулярны гук з TikTok Сабаленка 19 разой набіла і футбольны мяч.
Гэта настолькі ўразіла гледачоў, што адзін з іх параўнаў Сабаленкі з бразільскімі футбалістамі:
– Упэўнены, што ты бразільянка, – напісаў падпісчык.
Згадалі і шматпакутны «Ман Юнайтэд»:
– Лепей, чым гульцы «д'яблаў».
За тры гадзіны відэа беларускай тэнісісткі сабрала 51 тысячу падабаек. Адзначым, што ўпершыню футбольны талент Сабаленкі праявіўся яшчэ год таму – у верасні 2022-га на US Open беларуска здзівіла гледачоў трапным ударам па тэнісным мячы. Тое відэа цяпер мае больш за 3,6 млн праглядаў і 26 тысяч падабаек.
Чакаем у зборнай Алоса, якая збіраецца на ЧС-2030?
