Эпік беларускіх «зорак» на ЧБ па веславанні: барацьба на фінішы скончылася перакуленнем, падпісантка за Лукашэнку стала першай
Учора разам узялі золата.
12 ліпеня на чэмпіянаце Беларусі па веславанні, які праходзіць у Заслаўі, здарыўся вельмі эпічны момант. У фінале адзіночных заплываў на 500 метраў барацьба паміж «зоркамі» беларускай зборнай Марынай Літвінчук і Вольгай Худзенка скончылася тым, што за метр да фініша другая апынулася ў вадзе:
Негледзячы на здарэнне, у пратаколе Худзенка заняла другое месца. Нос лодкі спартсменкі перасёк фінішную рысу другім пасля падпісанткі прарэжымнага ліста Літвінчук.
Заўважным з“яўляецца той факт, што разам Літвінчук і Худзенка, выступаючы ў байдарцы-двойцы і чацвёрцы, прынеслі зборнай Беларусі не адну ўзгагароду на чэмпіянатах свету і Еўропы. Таксама вясляркі тройчы бралі алімпійскія медалі – бронза-2012, 2016 і срэбра-2020.
Цікава і тое, што за дзень да здарэння на ЧБ Літвінчук і Худзенка разам заваявалі золата ў веславанні на 200 метраў у пары.
